Şahruddin ruslara “Qarabağ”dan danışdı: 10 ildən sonra…

“Qarabağ”ın qapıçısı Şahrudin Məhəmmədəliyev Azərbaycan komandasının Çempionlar Liqasının pley-off mərhələsində ilk dəfə iştirak etməsinin ölkədə futbolun inkişafına necə təsir edəcəyi barədə fikirlərini bildirib.

Aut.az xəbər verir ki, Şahruddin bu barədə “Championat”ın müxbiri Vladimir Çetveriklə müsahibəsində deyib:

“Dövlət başçısı həmişə futbola böyük maraq göstərib, o, bu idman növünü sevir və onun nəticələrini daim izləyir. Bu impulsdan yararlanmaq çox vacibdir – ölkədə futbol bumu var və uşaqlar oynamaq və məşq etmək istəyirlər. Mühüm qərarlar qəbul edilməlidir.

Ümid edirəm ki, Çempionlar Liqasının pley-off mərhələsinə yüksəlmək təkcə “Qarabağ” üçün deyil, bütövlükdə Azərbaycan futbolunun inkişafı üçün də təkan olacaq. Düşünürəm ki, bu, insanların akademiyalara, gənclərə və uşaqlara investisiya qoymalı olduğumuzu anladığı bir dönüş nöqtəsi olmalıdır, çünki bu təməldir. Ümid edirəm ki, belə olacaq. Bundan möhkəm yapışmalı və irəliləməyə başlamalıyıq.

Bütün uşaqların futbol oynamaq istədiyi, hər kəsin özünü hansısa futbol ulduzunun adı ilə çağırdığı anı qaçırmamalıyıq. Gənclər futboluna investisiya qoymalı və 10 ildən sonra iki azərbaycanlı əvəzinə 11 nəfərin komandada olacağını gözləməliyik”.

“Qarabağ” Çempionlar Liqasının ümumi mərhələsini turnir cədvəlində 22-ci yerdə başa vurub.

Aut.az