Azarkeşlər Pikeyə kömək etdilər, qarı təmizlədilər: Görün əvəzində nə aldılar – FOTO

“Andorra” azarkeşləri “Kultural Leonesa” ilə oyundan əvvəl Jerar Pikeyə meydançanı qardan təmizləməyə kömək eediblər.

Aut.az xəbər verir ki, fanatların köməyi sayəsində oyun təxirə salınmayıb.

İspaniya Sequnda Divizionunda “Andorra” (Pikeyə məxsus klub) ilə “Kultural Leones” arasında oyun yanvarın 10-u günortadan sonra keçirilməli idi. Lakin həmin səhər stadionun meydançası qarla örtüldüyü üçün oyun təhlükə altında idi.

İspaniya komandası matçın vaxtını dəyişdirmək niyyətində idi, lakin hər iki klubun nümayəndələri, eləcə də hakimlər matçın keçirilməsinə çalışırdılar. Üstəlik, matçın bazar gününə keçirilməsi mümkün deyildi, çünki “Kultural Leonesa” çərşənbə axşamı günü “Athletik” ilə kubok oyununa çıxmalı idi.

Jerar Pike problemi öz üzərinə götürdü: əlində kürəklə komandanın azarkeşlərindən qarı təmizləməkdə kömək istədi. Bunun müqabilində onlara oyuna pulsuz bilet təklif etdi.

Aut.az