Arda qəzəbləndi, təpik atdı, yıxıldı

“Real Madrid”in yarımmüdafiəçisi Arda Gülər ​​İspaniya Super Kuboku finalında “Barselona” ilə oyundan (2:3) sonra emosiyalara qapılıb.

Aut.az xəbər verir ki, 20 yaşlı futbolçu 68-ci dəqiqədə Federiko Valverdenin yerinə əvəzetmədən meydana daxil olub. Final fitindən dərhal sonra, “Barsa”nın oyunçuları sevincini qeyd etmək üçün qaçarkən, qəzəblənən Gülər ​​yan xətdən bir neçə metr aralıda olan su şüşəsinə təpik vurub, lakin tarazlığını itirərək sürüşüb.

“Real Madrid” ötən mövsümdən bəri ardıcıl üçüncü finalında “Barselona”ya məğlub olub.

Aut.az