Premyer Liqa klubunun əfsanəsi vəfat etdi: Atamızı itirdik

“Vest Hem”in klub tarixində ən çox oyun keçirən əfsanəsi Billi Bonds vəfat edib.

Aut.az xəbər verir ki, klubun mətbuat xidmətinin məlumatına görə, Bonds 79 yaşında dünyasını dəyişib.

“Ürəyimiz param-parça oldu. Bu gün sevimli atamızı itirdik. O, ailəsinə sədaqətli idi və ən mehriban, ən etibarlı, qarşılıq gözləməyən və sevən bir insan idi. Atamız bütün varlığı ilə “Vest Hem Yunayted”i və onun möhtəşəm azarkeşlərini sevirdi, klubda keçirdiyi hər anı yüksək qiymətləndirirdi. O, hər zaman qəlbimizdə yaşayacaq və biz onu sonsuza qədər darıxacağıq. Bizə təsəlli verən yeganə fikir onun mirasının əbədi yaşayacağıdır”, – deyə klubun bəyanatında bildirilir.

Bonds 1967–1988-ci illərdə “Vest Hem”də çıxış edib və klubun heyətində 799 oyun keçirib. Bu dövrdə komanda iki dəfə İngiltərə Kubokunu qazanıb (1975, 1980) və Avropa Qaliblər Kubokunun finalına yüksəlib (1976).