UEFA Pro kursunun IV mərhələsi başlayıb

AFFA-nın təşkilatçılığı ilə Təhsil və Reabilitasiya Mərkəzində UEFA-nın Pro kateqoriyalı məşqçi kursunun IV mərhələsinə (fitnes modul) start verilib.

Aut.az xəbər verir ki, UEFA-dan dəvət olunan Fritz Şmid tərəfindən keçirilən kursda, həmçinin AFFA-nın təhsil şöbəsinin rəhbəri Aslan Kərimov və təlimatçı Osman Rəhimovda iştirak edirlər. İştirakçılar arasında A millimizin məşqçisi Elnur Çodarov, U-17 yığmamızın baş məşqçisi Aqil Nəbiyev, həmçinin Rəşad Abdullayev, Vaqif Cavadov, Elman Sultanov kimi tanınmış şəxslər də olub.

Kursa oktyabrın 30-da yekun vurulacaq.