Uşaqlarla oynayan yetkin kişidir: Sabiq “Çelsi”li Haaland haqda

“Çelsi”nin sabiq hücumçusu Pat Nevin “Everton”la oyundan sonra “Siti”nin hücumçusu Erlinq Haalandın çıxışından danışıb.

“Siti”nin 2:0 hesabı ilə qalib gəldiyi oyunda Erlinq dubl edib.

Aut.az xəbər verir ki, “Goal” Nevindən sitat gətirib:

“O, meydançada gəzdi və oyuna kifayət qədər laqeyd görünürdü. Biz onun adını demək olar ki, çəkmirdik. Amma top iki dəfə ona çatdıqda, onun qapıda olacağına şübhə yox idi.

Haaland tam gücü ilə oynayanda uşaqlarla yarışan yetkin kişiyə bənzəyir. O, formasına qayıdır, elə deyilmi? Erlinq inanılmaz dərəcədə sürətlidir və hər şeyə qadir görünür”.

Bu mövsüm Haaland bütün turnirlərdə 14 oyun keçirib, 17 qol vurub və iki məhsuldar ötürmə edib.

Aut.az