UEFA “Yuventus”la bağlı araşdırmaya başladı
“Yuventus” UEFA tərəfindən maliyyə feyr-pleyi qaydalarını pozduğu üçün cəzalandırıla bilər.
Aut.az xəbər verir ki, bu barədə “Football-Italia” məlumat yayıb.
“Bianconeri” klubun maliyyə hesabatında bu məlumatı təsdiqləyib. Turin klubu futboldan gəlirlər üzrə qaydaları pozub. Sentyabrın 18-də UEFA tərəfindən üçillik (2022-2025) dövrdə qayda pozuntusu ilə bağlı araşdırma başlanıb.
Gözlənilir ki, bu işin nəticəsi 2026-cı ilin yazında hazır olacaq. “Yuventus”a maliyyə sanksiyaları tətbiq oluna bilər, lakin onların məbləği böyük olmayacaq. Daha böyük narahatlıq isə UEFA tərəfindən təşkil olunan yarışlarda yeni oyunçuların qeydiyyatına məhdudiyyətlərin qoyulmasıdır.
