“Yunayted”in idman direktorundan etiraf: Sadəcə dua edirəm ki…

“Mançester Yunayted”in idman direktoru Ceyson Uilkoks bildirib ki, klub rəhbərliyinə problemləri həll etmək üçün vaxt lazımdır.

Aut.az xəbər verir ki, onun sözlərini “The Athletic” sitat gətirib.

“Mən sadəcə olaraq dua edirəm ki, hər şeyi dəyişdirmək imkanımız olsun. Bu, vaxt aparacaq, xüsusilə indi gəlirlilik və davamlılıq qaydaları ilə tez bir zamanda həll olunmayacaq. Heyəti dəyişməli olduq. Bu yay çox yaxşı əlavələr etdik. Biz “Yunayted”də mədəniyyəti və hörməti geri qaytarmağa çalışmalıyıq. Klubda işləməyinizdən və ya komanda üçün oynamağınızdan asılı olmayaraq, özünüzü xüsusi hiss etməlisiniz”, – Ceyson deyib.

Şənbə günü, sentyabrın 20-də mankunianlılar İngiltərə Premyer Liqasının 5-ci turu çərçivəsində evdə “Çelsi”ni 2:1 hesabı ilə məğlub edib.

“Mançester Yunayted” bu mövsüm İngiltərə Premyer Liqasında 5 oyundan sonra 7 xal toplayıb və liqa cədvəlində 10-cu yerdədir.

Aut.az