“Barsa PSJ-ni bu stadionda qəbul edəcək

Çempionlar Liqasının 2-ci turunun “Barselona” – PSJ matçı “Montjuic” Olimpiya Stadionunda baş tutacaq.

Aut.az xəbər verir ki, bu barədə Kataloniya klubunun mətbuat xidməti məlumat yayıb.

Qarşılaşma çərşənbə günü, oktyabrın 1-də, Bakı vaxtı ilə saat 23:00-da başlayacaq. Oyunun başqa yerə köçürülməsi Kataloniya klubunun əsas stadionu olan “Kamp Nou”da təmir işlərinin ləngiməsi ilə bağlıdır.

2023-cü ildə “Kamp Nou” təmirə bağlandıqdan sonra “Montjuic” “Barselona”nın müvəqqəti evinə çevrilib.

Bununla belə, cari mövsümün əvvəlində kataloniyalılar ev oyunlarını yalnız 6000 tamaşaçı tutumlu Yohan Kroyff Arenada keçirdilər. “Montjuic”in tutumu 55.000-dir.

Aut.az