Avroliqanın “qatili” bu tarixdə peyda olacaq

NBA komissarı Adam Silver yeni Avropa liqasının tam olaraq nə vaxt başlayacağını açıqlayıb.

Aut.az xəbər verir ki, 63 yaşlı amerikalının sözlərini ESPN sitat gətirib.

Bu ilin mart ayında, NBA və FIBA-nın birgə mətbuat konfransı zamanı Silver Avropada Avroliqanın əsas rəqibi olacaq liqanı yaratmağı planlaşdırdıqlarını açıqladı.

Daha sonra layihənin həyata keçirilməsinin onun istədiyi qədər sürətli olmayacağını bildirsə də, Adam indi yeni Avropa liqasının 2027 və ya 2028-ci ildə meydana çıxa biləcəyinə inanır.

“2027-ci ildə liqaya başlamaq planları şübhəsiz ki, iddialı idi. Düşünmürəm ki, 2028-ci ildən artıq gözləmək istəmirəm. İndi belə bir şey etmək imkanı var”, – Silver deyib.

İlkin planlara görə, yekun sayı hələ müəyyən edilməsə də, liqa 16 komanda ilə başlaya bilər. Namizədlər arasında “Real”, “Barselona” və “Fənərbağça” kimi Avropanın nəhəng klubları var.

Onlara yeni yaradılmış basketbol komandaları “Mançester Siti” və PSJ də qoşula bilər. Bununla belə, Silver liqada rəqabətli tarazlığı təmin etmək istəyir.

Xatırladaq ki, Avroliqa NBA-nın klublarını ələ keçirməsinin qarşısını almağa çalışır. Avropa Liqası 2025/26 mövsümü üçün genişlənməyə razılaşıb.

Aut.az