Azərbaycan komandası universiadada 2-ci yeri tutdu

Azərbaycanlı tələbələrdən ibarət futzalçılarımız türkdilli ölkələrin 3-cü universiadasında iştirak edib.

Aut.az xəbər verir ki, İdman Akademiyasının komandası Qırğızıstanın Bişkek şəhərində təşkil olunan yarışda 2-ci yeri tutub.

Təmsilçimiz meydan sahibləri ilə yanaşı, Türkiyə, Qazaxıstan və Özbəkistanla eyni qrupda yer alıb.

Azərbaycanlı futzalçı tələbələr ilk matçda meydan sahiblərinə 4:6 hesabı ilə uduzsalar da, növbəti rəqiblərini məğlub etməyi bacarıblar: Özbəkistan – 7:3, Qazaxıstan – 3:2, Türkiyə – 6:3.

Beləliklə, turnirin qalibi Qırğızıstan olub.

Qeyd edək ki, 4-cü universiada 2027-ci ildə Türkiyədə təşkil olunacaq.