Kapitanla bağlı qərar verildi

Mərkəz müdafiəçisi Kristian Romero “Tottenhem”lə yeni uzunmüddətli müqavilə imzalayıb.

Aut.az xəbər verir ki, bu barədə klubun saytında məlumat verilib.

Müqavilənin detalları açıqlanmayıb.

Bu yay Romero, “Los-Anceles”ə keçən Son Hın Minin yerinə “Tottenhem”in kapitanı seçilib.

27 yaşlı argentinalı oyunçu 2022-ci ilin yayında “Atalanta”dan 52 milyon avroya transfer olunub. O, London klubunun heyətində 126 oyuna çıxıb, 8 qol vurub və 3 məhsuldar ötürmə edib. Onun Argentina yığmasının heyətində 44 oyunu və 3 qolu var.