Titulu qorumaq şansı: FİFA “Çelsi”ni KDÇ-2029-a buraxacaq?

“Çelsi” hazırda 2029-cu ildə keçiriləcək Klublararası Dünya Çempionatına vəsiqə qazanmayıb, lakin situasiya dəyişə bilər.

Aut.az xəbər verir ki, bu barədə “The Times” məlumat yayıb.

London klubu finalda PSJ-ni 3:0 hesabı ilə məğlub edərək yenilənmiş FİFA turnirinin ilk qalibi olub. Lakin turnirin qalibi statusuna malik olsalar da, “təqaüdçülər” növbəti turnirdə oynamaq hüququna malik deyillər.

Mənbənin sözlərinə görə, FİFA bu faktın absurdluğunu anlayır və hazırda “Çelsi”yə 2029-cu ildə Klublararası Dünya Çempionatının qalibi statusunu qorumaq imkanı vermək barədə düşünür.

Hazırda 2029-cu il Dünya Çempionatında iştirakı yalnız dörd klub təmin edib: PSJ (2025 UEFA Çempionlar Liqasının qalibi), Misir “Piramidz”i  (2025 CAF Çempionlar Liqasının qalibi), Səudiyyə Ərəbistanı “Əl-Əhli”si (2025 AFC Çempionlar Liqasının qalibi) və Meksika “Krus Asul”u (2025 KONKAKAF Çempionlar Liqasının qalibi).

Aut.az