Məşhur futbolçu bu klubu alır

Qətərin “Əl-Duhail” klubunun yarımmüdafiəçisi Marko Verratti “Peskara”nın ortaq sahibi olacaq.

Aut.az xəbər verir ki, bu barədə “La Gazzetta dello Sport” məlumat yayıb.

Futbolçu “delfinlər”in səhmlərinin 50%-ni alacaq, onun nümayəndəsi isə klub rəhbərliyinə daxil olacaq.

Verratti “Peskara”nın yetirməsidir və 2008-2012-ci illərdə “delfinlər”in böyük komandasında çıxış edib. Bundan sonra yarımmüdafiəçi PSJ-də oynayıb, daha sonra 2023-cü ildə Qətərin “Əl-Ərəbiyə” klubuna keçib. Marko bu yaydan “Əl-Duhail”də oynayır.

“Peskara” keçən mövsümün nəticələrinə görə B Seriyasına yüksəlib. Klubun ən böyük nailiyyətləri 1986/1987 və 2011/2012 mövsümlərində B Seriyasını qazanmasıdır.

Aut.az