“Zirə”nin rəqibindən 800 minlik transfer
“Zirə”nin Konfrans Liqasının II təsnifat mərhələsindəki rəqibi “Hayduk” heyətini yeni qapıçı ilə gücləndirib.
Aut.az xəbər verir ki, Xorvatiya təmsilçisi Kiprin “Pafos” klubundan İvitsa İvuşiçi transfer edib. Bu barədə klubun mətbuat xidməti məlumat yayıb. Qolkiperlə 4 illik müqavilə imzalanıb.
“Hayduk” İvuşiç üçün 800 min avro ödəyib.
“Zirə” “Hayduk”la ilk oyunu iyulun 23-də Bakıda keçirəcək. Cavab görüşü isə iyulun 31-də Xorvatiyada olacaq.
