Enrike “Çelsi” ilə razılaşıbmış: Bu tələbinə görə “yox” deyiblər

Luis Enrike indi PSJ ilə başqa bir kuboku – Klublararası Dünya Çempionatını qazanmağın bir addımlığındadır.

Onun komandası planetin ən güclüsü hesab olunur və bu yürüşü yalnız “Çelsi” dayandıra bilər. Ancaq iki il əvvəl hər şey çox fərqli gedə bilərdi.

Aut.az xəbər verir ki, 2023-cü ilin yazında Enrike İspaniya millisindən ayrıldıqdan sonra komandasız qaldı. Londonda isə böhran başlayırdı – “Çelsi” artıq iki məşqçini dəyişmişdi və ümidsizcəsinə xilaskar axtarırdı. Enrike qısa siyahıda idi.

O, özü də Premyer Liqaya getmək istəyirdi. Açıq şəkildə demişdi ki, ingilis futboluna ispan futbolundan daha çox baxır. O, Braziliyadan gələn təklifi rədd etdi və zəng gözlədi.Zəng gəldi, Londona uçdu və klubun inkişafı üçün aydın plan göstərdi.

Lakin rəhbərlik risk etməmək qərarına gəldi. Enrike transferlərə təsir etmək istəyirdi, uzun müddət klublarla işləmirdi və onun üslubu suallar doğururdu. Nəticə imtina oldu.

İndi onun komandası finalda “Çelsi” ilə qarşılaşacaq. Layihəni ona verməyə cəsarət etməyən bir kluba qarşı. İndi o, hər şeyin belə olduğuna şükür edə bilər.

Aut.az