Bu “şounu” yaxşı bilirəm: Enrike onlara cavab verdi

PSJ-nin baş məşqçisi Luis Enrike futbolun sırf nəticə baxımından qiymətləndirilməsindən danışıb.

Aut.az xəbər verir ki, Luis Enrikenin sözlərini “The Guardian” sitat gətirib.

“Mən bu “şounun” necə işlədiyini bilirəm: insanlar nəticələrə görə səni yaxşı və ya pis hesab edirlər. Onlar səni qələbəyə görə tərifləyirlər. Son on ildə ən yaxşı komanda “Mançester Siti” olub. Amma onlar 10 oyunda uduzurlar və hamı onları “öldürür”. Onlar hələ də ən yaxşı baş məşqçiyə sahibdirlər, onlar hələ də ən yaxşı komandadırlar! İnanılmazdır.

Mən bunu qəbul edirəm. Amma məğlub olanda özümü daha yaxşı hiss edirdim. Etiraz etmirəm, hətta məni tənqid edəndə, təriflənəndən daha çox xoşuma gəlir. Düşünürəm ki, qalib gəlməyəndə və hamı məni tənqidlə öldürəndə hər şeyi daha düzgün etmişəm.

Siz hamınız düşünürsünüz ki, biz qalib gəldiyimiz üçün bu, mənim yaxşı olduğum anlamına gəlir. Xeyr, mən uduzanda daha yaxşı idim”, – Luis Enrike deyib.

İyulun 13-də PSJ Klublararası Dünya Çempionatının final matçında “Çelsi” ilə qarşılaşacaq. Oyun Şərqi Ruterfordda (ABŞ, Nyu-Cersi) keçiriləcək.

Aut.az