Böyük döyüş istəyir: Amma heç kimə yalvarmayacaq

Ağır çəkidə sabiq çempionu Deonte Uaylder (43-4-1, 42 KO) hesab edir ki, məğlubiyyət seriyasına baxmayaraq, yenə də böyük döyüşə çıxa bilər.

Aut.az xəbər verir ki, onun sözlərini “Ring Magazine” sitat gətirib.

“Əgər Coşua ilə döyüş olarsa və hər şey qaydasındadırsa, niyə də olmasın? Vaxtı gələndə bu vəziyyətlə məşğul olacağıq. O, hələ də biznesdədir, mən də. Hamı ilə döyüşmək istəyirəm. Mən yalnız birinin dalınca getmirəm. Böyük döyüş təşkil etmək imkanı olsa, mən hazıram. İctimaiyyətin görmək istədiyi ən yaxşı döyüşləri etmək istəyirəm.

Amma mən orada döyüşmək üçün yalvaran deyiləm. Mən bunu etmirəm, heç kimin dalınca getməmişəm. Kimsə mənimlə döyüşmək istəməyibsə… Mən həmişə karyeramda ən böyük döyüşlərin olmasını istəmişəm.

İndi də ən böyük döyüşləri istəyirəm. Rəqibin kim olması məni maraqlandırmır”, – Uaylder deyib.

Aut.az