Palmer ABŞ-a niyə tibbi maska ​​taxaraq uçub? – FOTO

“Çelsi”nin yarımmüdafiəçisi Koul Palmer ABŞ-da keçirilən klublararası dünya çempionatına tibbi maska ​​taxaraq getməsinin səbəbini açıqlayıb.

Aut.az xəbər verir ki, London komandasının baş məşqçisi Entso  Mareska zarafatla bunun futbolçunun oyunu olduğunu bildirmişdi.

“The Sun” Palmerin sözlərini sitat gətirib: “Bu zarafat deyildi, sadəcə təyyarələrin qoxusunu sevmirəm. Ona görə də maska ​​taxıram. Başqa heç nə yoxdur. Entso bu barədə heç nə bilmir”.

Ötən mövsüm Palmer Premyer Liqada 37 oyun keçirib, 15 qol vurub və 8 məhsuldar ötürmə edib. 23 yaşlı ingilisin “Çelsi” ilə müqaviləsi 30 iyun 2033-cü ilə qədərdir.

Aut.az