Böyük pul döyüşləri istəyir: Usik onunla rinqə çıxmaqdan niyə imtina edib?

WBO versiyasında müvəqqəti dünya çempionu Cozef Parker WBO, WBC və WBA titullarının sahibi Aleksandr Usik ilə potensial döyüş haqda danışıb.

Aut.az xəbər verir ki, boksçunun sözlərini “The Ring” sitat gətirib.

İtaliyada boks turniri zamanı yeni zelandiyalı ukraynalıya döyüş təklif etsə də, o, bundan imtina edib.

“Mən onun yanına getdim və dedim: “İki döyüşün qalıb. Güman edirəm ki, növbəti dəfə Dyubua ilə döyüşəcəksən və mənimlə sonuncu döyüşməlisən”.  Və o, “yox, yox, yox, yox, yox” dedi.

Məncə, Usik böyük pul döyüşləri istəyir. Düşünürəm ki, Dyubuadan sonra o, yenidən Coşua və ya Fyuri ilə döyüşmək istəyir. Dedi ki, öz işinlə məşğul ol, narahat olma, mən təqaüdə çıxanda sənin şansın olacaq. Fürsətdən istifadə edərək, Usikə qarşı özümü sınamaq istərdim. İnanıram ki, o, hazırda bizim nəslin ən yaxşı döyüşçüsü və ya ən yaxşı ağır çəkili idmançısıdır”, – Parker deyib.

Aut.az