“Çelsi” yeni mövsümdə bu formanı geyinəcək: Xüsusi texnologiya ilə hazırlanıb – FOTOLAR

“Çelsi” 2025/26 mövsümü üçün ev oyunları üçün yeni formasını təqdim edib.

Aut.az xəbər verir ki, yeni forma klassik mavi və açıq-mavi çalarlardan ibarət teksturalı naxışa malikdir. Bu dizayn Qərbi Londonun formalaşdırdığı gənclik ruhunu simvolizə edir. Formanın kənarlarında yerləşdirilmiş ağ və qırmızı detallar isə Çelsi bölgəsinin irsini əks etdirən əlavə rəng çalarları kimi nəzərdə tutulub. Ümumi dizayna uyğunlaşdırılmış xüsusi loqo isə formaya tamamlayıcı element kimi əlavə edilib.

Ev forması “Nike” şirkətinin “Dri-FIT ADV” texnologiyası ilə hazırlanıb. Bu texnologiya nəmi çəkən parça ilə qabaqcıl mühəndislik həllərini birləşdirərək idmançılara daha yüksək rahatlıq təmin edir.

Aut.az