Rodriqo müraciət yaydı: Hekayələr uydurmağı dayandırın, tezliklə…

“Real”ın hücumçusu Rodriqo de Qois insanları onun haqqında şayiələr yaymamağa çağırıb.

Rodriqo La Liqanın 35-ci turunda “Barselona” ilə matçda meydana çıxmadı və bu, bəzilərinin braziliyalının baş məşqçi Karlo Ançelotti ilə münaqişəsi olduğunu düşünməyə səbəb oldu.

Aut.az xəbər verir ki, Rodriqo “X” sosial şəbəkəsində paylaşım edib:

“Bütün mesajlarınız və narahatlıqlarınız üçün təşəkkür edirəm. Tezliklə qayıdacağam. Hekayələr uydurmağı dayandırın”.

Rodriqo bu mövsüm bütün turnirlərdə “Real”ın heyətində 50 matçda 13 qol vurub və 10 məhsuldar ötürmə edib.

Aut.az