İnfantino dünya çempionatlarına namizəd ölkələrin adlarını açıqladı

ABŞ və Böyük Britaniya müvafiq olaraq 2031 və 2035-ci illərdə FİFA Qadınlararası Dünya Kuboklarına ev sahibliyi etmək üçün yeganə iddiaçılardır.

Aut.az xəbər verir ki, bu barədə FİFA prezidenti Canni İnfantino UEFA-nın Belqradda keçirilən illik konqresində açıqlama verib:

“Təsdiq edə bilərəm ki, 2031-ci il və 2035-ci il üçün bir təklif almışıq. 2031-ci il üçün təklif ABŞ və ola bilsin ki, CONCACAF zonasındakı digər ölkələrdəndir”.

Beləliklə, 2031 və 2035-ci il dünya çempionatlarına ev sahibliyi etmək hüququ üçün müxtəlif iddiaçılar arasında rəqabət olmayacaq. İspaniya, Portuqaliya və Mərakeş daha əvvəl 2035-ci il dünya çempionatına ev sahibliyi etmək üçün mübarizə aparmaq niyyətlərini açıqlasalar da, heç vaxt öz təkliflərini təqdim etmədilər. Ərizələrin verilməsi üçün son tarix üç gün əvvəl başa çatıb.

2027-ci ildə qadınlar arasında dünya çempionatı Braziliyada keçiriləcək. 2031-ci ildə FİFA kişilərdən nümunə götürərək qadınlar arasında dünya çempionatını 48 komandaya çatdırmağı planlaşdırır.

Aut.az