“Bavariya” Noyerə əvəzləyicini görün harada tapdı

“Milan”ın fransız qapıçısı Mayk Maiqnan “Bavariya”ya keçə bilər.

Aut.az xəbər verir ki, bu barədə “Fichajes” məlumat yayıb.

Mənbənin məlumatına görə, alman klubunun rəhbərliyi fransızı 2011/12 mövsümündən “Bavariya”nın qapısını qoruyan 38 yaşlı Manuel Noyerin əvəzedicisi hesab edir. Münhen klubu 2025-ci ilin yayında “Milan”ın qolkiperini almağa çalışacaq.

“Transfermarkt” internet portalı 29 yaşlı Maiqnanın transfer dəyərini 38 milyon avro qiymətləndirir. Futbolçunun İtaliya klubu ilə müqaviləsi 2026-cı ilin yayına kimi nəzərdə tutulub.

Bu mövsüm Maiqnan “Milan”ın heyətində bütün yarışlarda 20 oyun keçirib, 24 qol buraxıb və 6 dəfə qapısını toxunulmaz saxlayıb.

Aut.az