Ərəblər onu geri qaytardı

Herve Renard Səudiyyə Ərəbistanı milli komandasının baş məşqçisi təyin edilib.

Aut.az xəbər verir ki, fransalı mütəxəssis ikinci dəfə ərəblərə rəhbərlik edəcək. O, 2019-2023-cü illərdə milli komandaya rəhbərlik edib.

Səudiyyə Ərəbistanı millisinin baş məşqçi postu bu həftə müqaviləsinə xitam verilən italiyalı Roberto Mançininin gedişindən sonra boş qalıb.

56 yaşlı Renard 2022-ci ildə Qətərdə keçirilən dünya çempionatında komandaya rəhbərlik edib. Qrupda sonuncu yeri tutan səudiyyəlilər pley-offa adlaya bilməsələr də, gələcək dünya çempionu Argentinanı (2:1) məğlub etməyi bacarıblar.

Renarın son iş yeri Fransanın qadınlardan ibarət milli komandası olub.

Aut.az