Dünyanın ən zəif komandası məlum oldu: Hər matçda 10+ top buraxır – FOTOFAKT

Monqolustan Premyer Liqasında çıxış edən “Tuv Azarqanuud” klubu 2024/2025 mövsümündə planetin ən zəif klubudur.

Aut.az xəbər verir ki, ölkənin mərkəzi hissəsində yerləşən Aimak Tuveni təmsil edən komanda 9 turdan sonra 9 məğlubiyyətlə çempionatının sonuncu – 10-cu yeri tutur.

“Tuv Azarqanuud”un futbolçuları keçirilən matçlarda rəqiblərinə 2 qol vurub, 111 top buraxıblar. Orta hesabla hər oyunda 12 dəfə topu “tordan çıxarıblar”.

Komanda son oyununda oktyabrın 20-də evdə “Brera İlç”ə 1:20 hesabı ilə uduzub. Yeri gəlmişkən, qarşılaşma güclü qar yağışı altında baş tutub.

“Tuv Azarqanuud” ən təvazökar məğlubiyyətini 4-cü turda “Xangarid”dən alıb – 0:4. Komanda sadəcə olaraq görüşə gəlmədiyi üçün bu, texniki məğlubiyyət olub.

“Tuv Azarqanuud”un heyətini əsasən ya 18 yaşa qədər gənc, ya da 36 yaşdan yuxarı veteran futbolçular təşkil edir.

Aut.az