Həkimlər döyülən Avropa çempionunun gözünü xilas etdilər

Həkimlər Krımda döyülən boks üzrə Avropa çempionu Dmitri Dvalinin gözünü xilas edə bilib.

Aut.az xəbər verir ki, 23 yaşlı idmançı bu həftə zədələnmiş gözündən əməliyyat olunub.

“Həkimlər Dvalini əməliyyat etdilər, tor qişasını tikdilər və gözü fiziki olaraq qorudular. Gözün uyğunlaşması, gələcək planlar bir-iki ay ərzində bəlli olacaq. Göz protezinin quraşdırılmasına ehtiyac yoxdur”, – boksçunun komandası TASS-a bildirib.

İyulun 28-də Dvali yeniyetmənin müdafiəsinə qalxıb və bir qrup kişi onu döyüb, boksçuya ciddi xəsarətlər yetirib. Sonradan məlum olub ki, Dvalini döyənlər saxlanılıb.

Dvali 2024-cü il Avropa Çempionatında 54 kq-a qədər çəki dərəcəsində qızıl medal qazanıb və 2022-ci ildə Rusiya çempionu olub. O, həmçinin 2023-cü il dünya çempionatının bürünc mükafatçısıdır.

Aut.az