Həm çempion oldu, həm də Olimpiya rekordunu yenilədi

İsveç idmançısı Armand Duplantis Parisdə keçirilən Yay Olimpiya Oyunlarında dayaqla tullanmada qızıl medal qazanıb.

Aut.az xəbər verir ki, Duplantis qələbəsindən sonra 6.10 m məsafəyə uğurlu cəhd edərək yeni olimpiya rekordunu müəyyənləşdirib. O, 2016-cı ildə Rioda keçirilən Oyunlarda braziliyalı Tiaqo Brasanın (6,03 m) nailiyyətini üstələyib.

Paris 2024-ün gümüş mükafatçısı amerikalı Sem Kendriks (5.95 m) olub. “İlk üçlüy”ü isə yunan Emmanuil Karalis (5.90 m) tamamlayıb.

Qeyd edək ki, Duplantis üçün bu, Tokio 2020-dən (6,02 m) sonra ikinci Olimpiya qızılıdır. O, 2024-cü ildə Diamond Leaguedə müəyyən edilmiş dünya rekorduna da (6,24 m) sahibdir.

Aut.az