Futbolçudan ayrılan tennisçi: Kim dedi ki, o, mənə xəyanət edib, mən ona yox?

Ukraynalı tennisçi Olqa Yançuk idman nəşrlərinin birində onun haqqında dərc olunan yazıya cavab verib.

Aut.az xəbər verir ki, yazıda Yançukun Kiyev “Dinamo”sunun futbolçusu Jersondan ayrıldığı bildirilir. Səbəb kimi xəyanət göstərilir:

“Yançuk İnstaqramını fəal şəkildə saxlayır, burada təxminən 270 min istifadəçi abunə olub. Olqa Lüksemburq millisinin oyunçusundan bir oğlan uşağı dünyaya gətirdi, lakin qəddar futbolçunun daimi xəyanətləri səbəbindən cütlük tez bir zamanda ayrıldı. Ancaq indi də Jerson keçmişinin isti fotolarını şərh edir”.

“Kim dedi ki, o, mənə xəyanət edib, mən ona yox? 😂😂😂😂”, – Yançuk müvafiq yazıya reaksiya verərək yazıb.

Nüfuzlu “Transfermarkt” saytının məlumatına görə, Jersonun transfer hüququ hələ də Kiyev “Dinamo”suna məxsusdur, lakin o, Çinin “Quangxi Pingguo Halyao” klubunda icarə əsasında çıxış edir. Kiyev komandasının heyətində hücumçu 53 matçda 9 qol vurub. Lüksemburq millisində statistika – 60 oyun, 21 qoldur.

Aut.az