Messi debüt qolunu vurdu, Argentina…
Bu gün, iyulun 10-da Argentina millisi Amerika Kuboku-2024-ün yarımfinal matçında Kanada millisinə qalib gəlib.
Aut.az xəbər verir ki, “MetLife” stadionunda keçirilən görüş 2:0 hesabı ilə başa çatıb.
Lionel Messi komandasının ikinci qolunu vurub. Bu, onun turnirdə debüt qolu olub.
37 yaşlı futbolçu 2006-cı ildə Almaniyada keçirilən dünya çempionatından başlayaraq ardıcıl on böyük turnirdə qol vurub. Ümumilikdə Messi bu müddət ərzində 27 qol vurub.
Argentina finalda Uruqvay-Kolumbiya cütünün qalibi ilə oynayacaq. Final görüşü iyulun 15-də keçiriləcək.
Aut.az
