FİFA-nın baş katibi o oldu – FOTO

FİFA Şurası rəsmi olaraq Mattias Qrafstromu (İsveç/Niderland) təşkilatın baş katibi təyin edib.

Aut.az xəbər verir ki, bu barədə FİFA-nın rəsmi saytı məlumat yayıb.

Mattias Qrafstrom bundan əvvəl 2023-cü ilin oktyabr ayından FİFA-nın müvəqqəti baş katibi vəzifəsində çalışıb.

“FİFA-nın baş katibi vəzifəsinə təyin olunmaqdan qürur duyuram və FİFA prezidenti Canni İnfantinoya, konfederasiya prezidentlərinə, vitse-prezidentlərə və FİFA Şurasının üzvlərinə belə mühüm vəzifədə futbola xidmət etməyi mənə həvalə etdikləri üçün təşəkkür etmək istəyirəm.

FİFA komandası ilə birlikdə, əlbəttə ki, özümü gözəl futbolumuza, FİFA-ya və onun 211 üzv assosiasiyalarına xidmət etməyə həmişəkindən daha çox həsr edəcəyəm”, – deyə Qrafstrom bildirib.

Aut.az