Yeni idman direktoru mesaj verdi: Köklü dəyişiklik olacaq

“Bavariya”nın yeni idman direktoru Maks Eberl komandada gələcək dəyişikliklərdən danışıb.

Aut.az xəbər verir ki, o, həmçinin klubun prioritetinin yeni baş məşqçi tapmaq olduğunu bildirib.

“Bilmirəm, nə vaxt əsaslı dəyişiklikdən danışmağa başlaya bilərik. Dörd, altı, yoxsa səkkiz oyunçu ilə başlayacağıq.

Mən isə indi başlayıram, Kristof ( Freund ) artıq altı aylıq təcrübəyə malikdir – o, mənə çoxlu məlumat verəcək. Amma ən əsası düzgün məşqçi tapmaqdır. İndi mənimlə Kristof arasında kartlar qarışdırılır. Gəlin görək qarşıdakı üç ayda nə baş verəcək. Qısamüddətli hədəflərimizə çatmaq üçün hansı oyunçuların “Bavariya”ya ürəyini və ruhunu verdiyini görəcəyik”, – deyə “Bayern & Germany” Eberldən sitat gətirib.

Xatırladaq ki, “Bavariya”nın idman direktoru postu 2023-cü ilin may ayından, bosniyalı mütəxəssis Hasan Salihamiciç  bu vəzifədən qovulandan sonra boş idi. Maks Eberl 2023-cü ilin yanvar-sentyabr aylarında “RB Leipzig”in idman direktoru olub. Bundan əvvəl o, 23 il Münhenqladbax “Borussiya”sında çalışıb.

Aut.az