“Mehdi Hüseynzadə”də azarkeş rekordu

“Sumqayıt” Premyer Liqanın XXI turunda “Neftçi”ni məğlub edib – 2:1.

Aut.az xəbər verir ki, yeni təmirdən çıxmış Mehdi Hüseynzadə adına Sumqayıt şəhər stadionunda baş tutan oyunu 8100 tamaşaçı tribunadan izləyib. Bu, Premyer Liqada mövsümün rekord göstəricisidir.

Çempionatda 2023/2024 mövsümünün bundan əvvəlki azarkeş rekordu X turun “Turan Tovuz” – “Qarabağ” oyununa məxsus idi. 2:2 hesabı ilə başa çatan matçı 6000 tamaşaçı izləyib.