Futbolçular onun istefa qərarına necə reaksiya veriblər?

“Liverpul”un baş məşqçisi Yurgen Klopp mövsüm başa çatdıqdan sonra postunu tərk edəcəyi ilə bağlı qərarına futbolçuların necə reaksiya verdiyini açıqlayıb.

“Oyunçuların çox sualı yox idi. Əvvəlcə hamı ilə danışdım, sonra bəziləri ilə ayrı-ayrılıqda danışdıq. Peşəkar olduğumuz üçün hələ heç bir sual verməyiblər. Uşaqlar yaxşı əhval-ruhiyyədədirlər. Aydındır ki, mən onlara deyəndə heç kim ayağa qalxıb ziyafət vermədi, amma hər şey peşəkar səviyyədə idi”, – Klopp mətbuat konfransında deyib.

Xatırladaq ki, bu gün, yanvarın 26-da klubun mətbuat xidmətinə müsahibə verən Yurgen Klopp 2023/2024 mövsümü başa çatdıqdan sonra “Liverpul”un baş məşqçi postunu tərk edəcəyini açıqlayıb. Klopp “Liverpul”la ilk müqaviləsini 8 oktyabr 2015-ci ildə imzalayıb.

Aut.az