“Milan”ın azarkeşi “İnter”in iki futbolçusunu məhkəməyə verdi

“Milan”ın azarkeşi “İnter”in iki futbolçusunu məhkəməyə verib.

Aut.az xəbər verir ki, biri onlardan biri Marko Arnautoviçdir. Onlar şəxsi həyatın toxunulmazlığına müdaxilə və zorakılıqda ittiham olunurlar.

Hadisə yanvarın 6-dan 7-nə keçən gecə Milanda yerləşən “Hollivud” gecə klubunda baş verib. Yanvarın 6-da günortadan sonra A Seriyasında “İnter” ” Verona”ya 2:1 hesabı ilə qalib gəlib və həmin gecə hər iki komandanın bir çox oyunçusu gecə klubunda istirahət edib. Zərərçəkmiş şəxs də orada dincəlirmiş.

Səhər açılan kimi “Milan” azarkeşi hesabı ödəmək istəyib və qəbzlə daha yaxından tanış olmaq üçün telefonunun fənərini yandırıb. Bunu görən futbolçular fanatın onların şəklini çəkməyə qərar verdiyini düşünüblər.

Arnautoviç digər “İnter” futbolçusu ilə birlikdə həmin şəxsi bayıra çıxarıb, telefonunu götürüb və onun fotoqalereyasını və sosial şəbəkələrini yoxlamağa başlayıb. Orada heç bir foto tapmayıblar. Lakin “Milan”a aid çoxlu fotoşəkillər tapıblar. Bundan sonra futbolçular fanatı təhqir etməyə başlayıblar.

Sonda oyunçular adamı hədələyərək, “Düşünürük ki, bizə qarşı çıxmaq qərarına gəlsəniz, başınıza nə gələcəyini başa düşürsünüz” deyiblər.

Həmin şəxs dərhal polisə gedərək ərizə yazıb. Telefondan barmaq izləri götürülüb ki, bu da “İnter”in futbolçularını tanımaq üçün istifadə olunub.

Aut.az