UEFA-dan müəmmalı qərar: Rusiya-Sertiya oyununu elə sürətlə təsdiqləyib ki…

Rusiya Futbol İttifaqının baş katibi Maksim Mitrofanov UEFA-nın Rusiya və Serbiya milli komandaları arasında 2024-cü ildə keçiriləcək oyunu necə təsdiqlədiyini izah edib.

Əvvəllər belə bir oyunun keçirilə biləcəyi barədə mətbuatda məlumat verilirdi, sonradan bu şayiələr RFİ prezidenti Aleksandr Dyukov tərəfindən təsdiqləndi.

“Serbiya Futbol Federasiyası ilə yoldaşlıq oyunu ilə bağlı danışıqlar uğurla başa çatdığından, heç bir problem olmadığını göstərir. Mart ayında Avropa komandalarına yoldaşlıq oyunları lazımdır, çünki onların əksəriyyəti üçün Avro-2024-ün seçmə mərhələsi başa çatıb.

UEFA Serbiyaya Rusiya ilə oyuna qadağa qoya bilərmi? Yox. Ərizə UEFA-ya təqdim olundu və bu, yaddaşımda ən sürətli təsdiqlənmə oldu. Biz dekabrın 20-də səhər ərizə göndərdik və RFİ icraiyyə komitəsi işə başlamazdan əvvəl o təsdiqləndi”, – deyə “RB Sport Mitrofanovun sözlərini sitat gətirib.

Xatırladaq ki, Rusiya millisi beynəlxalq turnirlərdən kənarlaşdırılıb. Lakin bu, rusların yoldaşlıq oyunları keçirməsinə mane olmur. Əsas çətinlik rəqib tapmaqdır, çünki əksər millilər öz reputasiyalarını riskə atıb cəzalı rəqiblə oynamaq istəmirlər.

Aut.az