Məhkəmə onun vəsatətini rədd etdi: O qıza 150 min ödəyib

Barselona məhkəməsi ötən ilin dekabrında gecə klubunda bir qıza təcavüz etməkdə təqsirləndirilən Dani Alveşin zaminə buraxılmasını növbəti dəfə rədd edib.

Aut.az xəbər verir ki, bu barədə “Cadena SER” məlumat yayıb.

Mənbənin məlumatına görə, artıq üçüncü dəfədir ki, Barselona məhkəməsi braziliyalı futbolçunun apelyasiya şikayətlərini rədd edir. Barselona məhkəməsi həmçinin iddia edir ki, təqsirləndirilən şəxsin qaçma riski qalmaqdadır, çünki prokurorlar onun üçün doqquz il həbs tələb edir. Buna görə də Alveşin istəyi təmin oluna bilməz.

İdmançının vəkilinin sözlərinə görə, Alves artıq zərərçəkənə 150 ​​min avro məbləğində təzminat ödəyib, ona görə də həbs müddəti iki ildən çox olmamalıdır. Prokurorluq israr edir ki, kompensasiya yüngülləşdirici hal olmamalıdır. Üstəlik, ittiham tərəfi iddia edir ki, cinsi cinayətlər halında təzminatın daha böyük olacağı gözlənilir.

Xatırladaq ki, Alves 6 aydan çoxdur ki, Kataloniya həbsxanasında saxlanılır. Yanvar ayında o, Barselonadakı “Sutton” gecə klubunda 23 yaşlı qızı zorlamaqda ittiham olunub.

 Aut.az