Cəsəd yarıldı, futbolçunun ölüm səbəbi bəlli oldu

 “Kordoba”nın 18 yaşlı futbolçusu Alvaro Prietonun elektrik cərəyanı vurması nəticəsində öldüyü təsdiqlənib.

Aut.az xəbər verir ki, həkimlər meyiti yardıqdan sonra bu qənaətə gəliblər.

Cəsəd oktyabrın 16-da Santa Justa stansiyasının texniki xidmət sahəsində iki vaqonun arasında tapılıb. Sevilya Məhkəmə Tibb İnstitutunda (IML) aparılan yarılma, oyunçunun ölümünün elektrik cərəyanı vurması nəticəsində baş verdiyini təsdiqləyib.

Kordoba Universiteti Alvaronun ölümü ilə əlaqədar üç günlük matəm elan edib və oktyabrın 19-na qədər universitet mərkəzlərində bayraqlar yarıya qədər enəcək və qara kreplərlə dalğalanacaq.

Universitetlə yanaşı, Kordoba şəhər şurası və əyalət şurası da oktyabrın 17-ni matəm günü elan edib.

Aut.az