“Qalatasaray”ın yeni transferi ilə bağlı qalmaqal böyüyür

“Şaxtyor”un cinah oyunçusu Tetenin “Qalatasaray”a transferi ətrafında yaşanan qalmaqal böyüyür.

Aut.az xəbər verir ki, “şaxtaçılar”  FİFA və AİHM-ə şikayət edərək, Tetenin diskvalifikasiyasını və futbolçunun transfer təzminatının bərpasını tələb etdikdən sonra, görünür, “Qalatasaray” rəhbərləri transferin həqiqətən də pozuntularla baş verə biləcəyini anlayıb.

Türkiyə mətbuatı xəbər verir ki, guya Tete, FİFA-nın qaydalarına uyğun hərəkət edib,  iyulun 1-dən etibarən müqaviləsini dayandırmaq və gələcək karyerası ilə bağlı qərar vermək istəyi barədə “Şaxtyor”a məlumat verib.

Ancaq praktikada Tetedən elektron poçtla göndərilən mesajı nə “Şaxtyor”, nə də FİFA alıb. İndi futbolçu və onun agenti Pablo Bueno həqiqətən Ukrayna klubunu məlumatlandırdıqlarını sübut etməyə çalışırlar, lakin “şaxtaçılar” braziliyalının və onun nümayəndəsinin bu məsələ ilə bağlı bütün açıqlamalarının sadəcə saxta olduğunu iddia edirlər.

FİFA artıq Tete və agentinin sübut kimi təqdim etdiyi e-poçt faylının həqiqiliyini yoxlamaq üçün araşdırmaya başlayıb. FİFA vasitəçiləri də barışıq sazişi bağlamaq üçün hər iki klubla əlaqə saxlayırlar. “Qalatasaray” Tete üçün 2-3 milyon avro təzminat verməyə hazır olduğunu bildirib, lakin “Şaxtyor” ən azı 6-7 milyon avro almağa çalışır.

Aut.az