Əfsanəvi futbolçu DÇ-də son oyununu keçirdi

Braziliyalı hücumçu Marta dünya çempionatında karyerasının son matçına çıxıb.

Aut.az xəbər verir ki, bu, dünya çempionatının qrup mərhələsində Yamayka ilə görüşün (0:0) başa çatmasından sonra məlum olub.

Marta meydana start heyətində daxil olub və 81-ci dəqiqədə əvəzlənib. Braziliya dünya çempionatının pley-off mərhələsinə yüksələ bilməyib.

5 dəfə FİFA tərəfindən ilin ən yaxşı futbolçusu seçilən 37 yaşlı Marta Braziliya millisində 175 oyuna çıxıb və 115 qola imza atıb.

O, dünya çempionatı tarixinin bombardiridir (17 qol).