14 ildir dəyişməyən dünya rekordunu qırdı

Yaponiyanın Fukuoka şəhərində keçirilən dünya çempionatında 19 yaşlı avstraliyalı Molli O’Kallaqan 200 metr məsafəyə sərbəst üsulla üzmədə qızıl medal qazanıb.

Aut.az xəbər verir ki, O’Kallaqan 1:52.85 nəticə ilə qalib gələrək 2009-cu ildə qeydə alınan dünya rekordunu yeniləyib.

Həmin vaxt Romada keçirilən dünya çempionatında italiyalı Federika Pelleqrini 1:52.98 nəticə göstərərək altıncı dəfə bu məsafə üzrə dünya rekordçusu olmuşdu.

Qeyd edək ki, Fukuokada keçirilən dünya çempionatında artıq 4 dünya rekordu qeydə alınıb. Bu yarışda amerikalı Maykl Felpsin son dünya rekordu qırılıb.