Gizli razılaşmanın detalları faş olur

“Yuventus”un keçmiş rəhbərliyi portuqaliyalı hücumçu Kriştiano Ronaldonun klubla gizli maaş müqaviləsi imzaladığını şəxsən müzakirə edib.

Aut.az xəbər verir ki, bu barədə “La Gazzetta dello Sport” məlumat yayıb.

Söhbət “Yuventus”un koronavirus infeksiyasının yayılması zamanı bəzi oyunçularla imzaladığı müqavilədən gedir. Futbolçular bir müddət sonra qeyri-rəsmi olaraq pul almaq üçün maaşların azaldılmasına razılaşıblar.

“Yuve”nin maliyyə fırıldaqları ilə bağlı davam edən prokurorluq araşdırması çərçivəsində klub rəhbərliyinin Ronaldo ilə razılaşmaya dair danışıqları öyrənilib.

20 aprel 2021-ci ildə “Yuventus”un hüquq departamentinin rəhbəri Çezare Qabasio messencerdə yazıb: “İmzalamağa ilk hazır olan Kriştianodur”.

Üç gün sonra, aprelin 23-də klub katibi Paolo Morqanti eyni qrup söhbətində belə yazıb: “Kriştiano imza atdı. Bütün sənədlərin surətləri var.

“Yaxşı!” – “Yuventus”un o vaxtkı idman direktoru Federiko Çerubini cavab verib.

Prokurorluq hesab edir ki, bu söhbət Ronaldo ilə 19,9 milyon avroluq gizli razılaşmadan gedir.

Aut.az