Əmrə hakimi ittiham etdi: Tüpürmək belə istəmirəm

Əmrə Can “Borussiya”nın “Çelsi”yə məğlubiyyətinə görə hakimi günahlandırıb.

Aut.az xəbər verir ki, martın 7-də Çempionlar Liqasının 1/8 final mərhələsinin cavab oyununda londonlular dortmundlular üzərində qələbə qazanıb (2:0) və iki oyunun nəticəsinə görə növbəti mərhələyə adlayıb.

47-ci dəqiqədə Ben Çillulelin cinahdan ötürməsindən sonra top Almaniya yığmasının cərimə meydançasında qonaqların yarımmüdafiəçisi Marius Volfun əlinə dəyib. Baş hakim Denni Makkeli VAR-a üz tutub, daha sonra monitorda epizodun təkrarına baxıb  və bundan sonra penalti təyin edib.

Kay Havertsin penalti zərbəsi dirəyə tuş gəlib. Lakin hakimlər penaltinin yenidən yerinə yetirilməli olduğuna qərar veriblər. Çünki zərbədən əvvəl hər iki komandanın bir neçə oyunçusu cərimə meydançasına qaçıb. İkinci cəhddə Haverts dəqiq olub.

“Məğlubiyyətin səbəbkarı hakimdir. Bu onun günahıdır. Belə bir vəziyyətdə penalti zərbəsinin yerinə yetirilməsinə necə icazə verə bilərdiniz? VAR necə işləyir? Mən onun işlədiyini də düşünmürəm! Kimin hara qaçdığına tüpürmək belə istəmirəm.

O, oyun boyu təkəbbürlü idi – hər şey belə başladı. Hakimə görə haqsız yerə uduzduq”, – deyə türkəsilli yarımmüdafiəçi bildirib.

Aut.az