FİDE Namizədlər Turnirləri üçün seçmə yarışların siyahısını açıqladı

Beynəlxalq Şahmat Federasiyası Namizədlər Turnirlərində iştirak etmək hüququ verən yarışların siyahısını açıqlayıb.

Aut.az xəbər verir ki, bu barədə FİDE-nin mətbuat xidməti məlumat yayıb.

Dövrlərin ümumi sayı dəyişməz qalsa da, həm açıq, həm də qadın turnirlərində seçim qaydaları dəyişdirilib.

Namizədlərin açıq turnirinin seçmə mərhələsi:

Böyük İsveçrə Turniri – Ən yaxşı 2 oyunçu (finalçılar);

Dünya Kuboku – 2 oyunçu;

Total Chess World Championship Tour – 2 oyunçu;

FIDE Circuit – 2 oyunçu.

Qeyd etmək lazımdır ki, sonuncu, şahmatçılara istənilən yarışda uğurlu çıxışlarına görə iki illik müddət ərzində xal verildiyi və xalların sayının qrossmeysterin yarışdığı turnirlərin səviyyəsindən asılı olduğu bir sistemdir.

Qadın namizədlərin seçmə turniri:

Böyük İsveçrə Sistemi – 2 şahmatçı;

Qran Pri Seriyası – 2 şahmatçı;

Dünya Kuboku – 2 şahmatçı;

FIDE Women’s Circuit – 2 şahmatçı

. Keçən illə müqayisədə federasiya Dünya Kubokunda üçüncü yer və qadınların reytinqinə əsasən Namizədlər Turnirinə vəsiqəni ləğv edib.

Aut.az