Ukrayna BOKA müraciət etdi – Tələb edir ki…

Ukrayna Atletika Federasiyasının prezidenti və Ukrayna parlamentinin üzvü Olqa Saladuxa Beynəlxalq Olimpiya Komitəsindən (BOK) və digər beynəlxalq idman təşkilatlarından Rusiya idmançılarına qarşı sanksiyaları qüvvədə saxlamağı tələb etmək niyyətində olduğunu açıqlayıb.

Aut.az xəbər verir ki, Saladuxa bildirib ki, BOK-a və digər beynəlxalq idman təşkilatlarına müraciət etmək üçün qətnamə layihəsi qeydə alınıb.

Qətnamədə digər məsələlərlə yanaşı, “Rusiya və Belarus idmançılarının, komandalarının, rəsmilərinin və idman təşkilatlarının beynəlxalq yarışlarda iştirakına qarşı mövcud idman sanksiyalarının saxlanılması”, “hərbi idman klublarını, Rusiya təhlükəsizlik qüvvələrini təmsil edən idmançıların və Ukraynaya qarşı təcavüzü dəstəkləyənlərin turnirlərdə iştirakının qarşısının alınması” və “təcavüz tamamilə dayandırılana qədər Rusiya ərazisində idman tədbirlərinin keçirilməsinin qarşısının alınması” tələb olunur.

Bu bəyanatı dərc etdikdən sonra Saladuxa yazıb: “Ukraynanın bu gün düşdüyü çətin şərait nəzərə alınmaqla bunlar sadə, ədalətli və minimal tələblərdir. BOK-un reaksiyasına şübhəm var. Çox güman ki, heç biri. Amma ilk növbədə, komitənin bu səviyyədəki utancverici təşəbbüslərinin qarşısını almaq üçün beynəlxalq federasiyalar arasında ədalətli idmanın bütün tərəfdarlarını birləşdirməliyik”.

Aut.az