Polyak əfsanə BOK-u ittiham etdi: Ləyaqət uğrunda mübarizə aparmalıyıq

Polşanın ən çox Olimpiya qızıl medalı qazanan rekordçusu, keçmiş yüngül atlet Robert Korzenovski BOK-un Rusiya Olimpiya Komitəsini bərpa etmək qərarını tənqid edib.

Aut.az xəbər verir ki, Robertin sözləri “Sportowefakty.wp.pl” tərəfindən yayılıb.

“Biz qətiyyətlə etiraz etməli və Ukraynadakı müharibənin qurbanları haqqında danışmalıyıq. Ləyaqət uğrunda mübarizə aparmalıyıq, baxmayaraq ki, açığı, bu halda beynəlxalq birliyə etibar etməkdə çətinlik çəkirəm. Amma yanılmaq istərdim”, – deyə o bildirib.

Korjenovski 1996-cı ildə Atlantada, 2000-ci ildə Sidneydə və 2004-cü ildə Afinada keçirilən Olimpiya Oyunlarında 50 km məsafəyə qaçış yarışında qalib gəlib. 2000-ci ildə o, həmçinin 20 km məsafəyə qaçışda qızıl medal qazanıb.

Tramp rusların Los-Ancelesdə keçiriləcək Olimpiya Oyunlarında iştirak etməsini arzuladığını bildirib və bu proses artıq daha əvvəl başlamışdı. Xatırladaq ki, bu ilin noyabr ayında Rusiya idmançıları Dakarda keçiriləcək Yay Gənclər Olimpiya Oyunlarında öz bayrağı və himni altında yarışacaqlar.

BOK-un qərarı 2028-ci il Yay Olimpiya Oyunlarına seçmə mərhələsinin başlanması ilə əlaqədar ətraflı hüquqi təhlildən sonra verilib. Bu qərar ROC-un Ukraynanın müvəqqəti işğal olunmuş ərazilərində yerləşən regional idman təşkilatlarını üzvlüyündən çıxarmasından sonra mümkün olub. ROC orada fəaliyyət göstərməyəcəyini təsdiqləyib.

Aut.az