Qattuzonun o vaxt Afrika haqda dedikləri – Haqsız çıxdı

2025-ci ilin noyabr ayında İtaliya millisi Norveçə ikinci dəfə uduzub Dünya Kubokunun seçmə qrupunda ikinci yeri tutanda, komandanın  baş məşqçisi Cennaro Qattuzo qəribə görünən bir fikir söylədi.

Aut.az xəbər verir ki, indi, altı aydan bir az çox vaxt keçdikdən sonra bu, daha da absurd görünür. Onun şərhi Afrika qitəsini təmsil edən komandaların sayına aid idi.

“Mənim dövrümdə qruplarında ikinci yeri tutan ən yaxşı komandalar birbaşa Dünya Kubokuna gedirdilər, amma indi qaydalar dəyişib. Qaydaları dəyişdirmək üçün turnir təşkilatçıları ilə əlaqə saxlamalısınız.

1990 və 1994-cü il Dünya Kuboklarında iki və ya üç Afrika komandası var idi, indi onların sayı doqquzdur . Qrupları təşkil edənlərdən soruşub qaydaları müəyyənləşdirməlisiniz.

On komandadan altısının Dünya Kubokuna birbaşa vəsiqə qazandığı və yeddinci komandanın Okeaniya komandasına qarşı pley-off oynadığı Cənubi Amerikaya baxanda, bu, məni həm kədərləndirir, həm də narahat edir. Məyusluq da bundadır. Avropada Dünya Kubokuna seçmə sistemi dəyişdirilməlidi”.

Dünya Kubokunda Afrikadan on komanda iştirak edir: Mərakeş, Tunis, Cənubi Afrika, Kot-d’İvuar, Misir, Kabo-Verde, Seneqal, Qana, Əlcəzair və Konqo Demokratik Respublikası.

Yalnız Tunis pley-offa vəsiqə qazana bilmədi, digərləri isə irəlilədi. Əvvəlki bütün Dünya Kuboklarında cəmi altı Afrika komandası pley-offa vəsiqə qazanıb.

Hər bir konfederasiyanın nümayəndələrinin sayının faizlə ifadəsi belədir: CAF (Afrika) – 90%; KONMEBOL (Cənubi Amerika) – 83,33%; UEFA (Avropa) – 81,25%; KONKAKAF (Şimali və Mərkəzi Amerika) – 50%; AFC (Asiya) – 22,22%; OFC (Okeaniya) – 0%.

Cennaro Qattuzo İtaliya millisindəki uğursuzluğundan sonra istefa verdi, Afrika futbolu Dünya Kubokunda layiqli yerini tutdu.

Aut.az