FİFA təcili olaraq IFAB-a müraciət etdi: Penalti qaydası elə DÇ-də dəyişəcək

FİFA Beynəlxalq Futbol Assosiasiyaları Şurasına (IFAB) təcili olaraq penalti atışları qaydalarını dəyişdirmək üçün müraciət edib.

Aut.az xəbər verir ki, bu barədə “The Times” qəzetinin baş müxbiri Martin Ziqler bildirib.

Dünya futbolunun idarəedici orqanı yeni prosedurun 28 iyun bazar günü başlayacaq Dünya Kubokunun pley-off mərhələsindən əvvəl tətbiq edilməsində israr edir.

İslahatın mahiyyəti ənənəvi iki sikkə atışını (əvvəlcə qol seçimi, sonra ilk başlanğıc) aradan qaldırmaq və tək sikkə atışa  üstünlük verməkdir. Yeni qaydalara görə, oyundan əvvəl sikkə atışını qazanan kapitan ya hansı komandanın ilk zərbə endirəcəyini müəyyən etmək, ya da qolu seçmək kimi ilk seçimə sahib olacaq. Püşk atışını uduzan kapitana avtomatik olaraq ikinci seçim veriləcək.

FİFA bunu mövcud sistemin hər iki püşkatmada qalib gələn komandaya həddindən artıq psixoloji üstünlük verdiyi ilə əsaslandırır. Məsələn, bu yaxınlarda keçirilən 2025/26 Çempionlar Liqasının finalında “Arsenal” hər iki püşkatmada məğlub olmuşdu. IFAB-ın 2026-cı il Dünya Kubokunda pley-off matçlarında sınaqdan keçirmək məqsədilə düzəlişi yaxın günlərdə nəzərdən keçirib təsdiqləməsi gözlənilir.

Aut.az