Dəniz heyvanının hücumu yarımfinalı yarımçıq saxladı

Yeni Zelandiyada keçirilən sörf yarışı fotoqrafa dəniz heyvanının hücum etməsi nəticəsində dayandırılıb.

Aut.az xəbər verir ki, əvvəlcə köpəkbalığı olduğu düşünülsə də, sonradan hücum edən heyvanın dəniz aslanı olduğu müəyyən edilib.

Hadisə Yeni Zelandiya Pro turnirinin kişilər arasında yarımfinalında baş verib. Təşkilatçılar dərhal nadir “qırmızı” təhlükəsizlik protokolunu tətbiq ediblər və idmançıları sudan təxliyə ediblər.

Fotoqraf Ed Sloan ayağından dişləmələr alıb və xəstəxanaya aparılıb. Həkimlər onun vəziyyətinin stabil olduğunu təsdiqləyiblər. Sloan vaxtında yardım göstərdikləri üçün xilasedicilərə və təcili yardım işçilərinə təşəkkür edib.

Təhlükəsizlik yoxlamalarından sonra yarış davam edib. Kişilər arasında braziliyalı İtalo Ferreyra, qadınlar arasında isə havaylı Karissa Mur qalib gəlib.

Aut.az