Nadal da “Real”dan danışdı: İki ilə əvvəl…

Əfsanəvi tennisçi və “Real Madrid”in üzvü Rafael Nadal Florentino Peresi Madrid klubunun tarixinin ən yaxşı prezidenti adlandırıb.

Cümə axşamı günü “Real” prezident və direktorlar şurası üçün erkən seçkilər elan etdi. Nadal əvvəllər klub prezidentliyinə namizədliyini irəli sürmək niyyətində olan Enrike Rikelme ilə əlaqələri barədə yayılan xəbərləri təkzib etmişdi.

Aut.az xəbər verir ki, Nadal İspaniya mətbuatına açıqlamasında deyib:

“Florentino, Santyaqo Bernabeu ilə birlikdə “Real” tarixinin ən yaxşı prezidentidir. Nə vaxt bir şey istəsək, “Real” həmişə bizə ən yaxşı münasibət göstərib.

Vəziyyətin ciddi bir problemə çevrilməsinin qarşısını almaq üçün bu bəyanatı verdim. Futbol məqalələr və müzakirələr üçün çoxlu material təqdim edir. Adımın mənimlə heç bir əlaqəsi olmayan bir şeylə əlaqələndirilməsini istəmirdim.

İki il əvvəl Peres “Real” tarixinin ən yaxşı prezidenti idi, indi fəlakətə çevrilə bilməz. Bu il nəsə səhv getdi, qərar qəbuletmədə səhvləri etiraf etmək və növbəti addımlar üzərində işləmək yaxşıdır”.

Aut.az